राजेश कुमाल
रौतहटको चन्द्रनिगाहपुरको चन्द्रोदय बचत तथा ऋण सहकारी संस्था लिमिटेडले सामाजिक उत्तरदायित्व अन्तर्गत आज चन्द्रपुर ५ चन्द्रनिगाहपुर सरकारी अस्पतालमा महिलाहरुको प्रजनन रुग्णता सम्बन्धि निशुल्क जाँच तथा अप्रेसनको लागी छनौट शिविर सम्पन्न भएको साकोसका अध्यक्ष बसन्त आर्चायले जानकारी दिनुभएको छ ।

सम्पन्न शिविरमा दुई सय २३ जनाले सेवा लिएका छन् । किसोरी देखि बयस्क महिला सम्मले जाँच तथा परामर्श सेवा लिएको संयोजक हरिहर उप्रेतीले जानकारी दिनुभएको छ । शिविरमा स्त्रीरोग महिलाहरुको प्रजनन रुग्णता सम्बन्धि जाँच गरिएको थियो । शिबिरमा सामुदायिक सेवा प्रतिष्ठान गठ्ठाघर भक्तपुरका चिकित्सकहरुले बिरामीको जाँचसँगै परामर्श र औषधि दिनुभएको थियो जाँचको क्रममा एकजनालाई अप्रेसन गर्नु पर्ने देखिएको छ भने अन्यमा सामान्य औषधिबाट ठिक हुने योजक हरिहर उप्रेतीले जानकारी दिनुभएको छ ।

शिविरको उद्घाटन चन्द्रोदय साकोसका अध्यक्ष बसन्त आचार्यको सभा अध्यक्षता, चन्द्रपुर नगरपालिकाका प्रमुख संजय काफ्ले प्रमुख अतिथि, रौतहट बचत संघका अध्यक्ष बिभु पोखरेल, चन्द्रपुर अस्पताल प्रालिका प्रमुख डा.सुवास चौधरी,चन्द्रनिगाहपुर सरकारी अस्पतालका प्रमुख डा.अभिनन्दन श्रीवास्तव,प्राविधिक सहयोगी संस्थाका कार्यक्रम संयोजक हरिहर उप्रेती नेपाल पत्रकार महासंघ रौतहटका सभापति संजय कार्की, नव बिकास साकोसका अध्यक्ष राजेन्द्र तिवारी,स्वस्तिक साकोसका अध्यक्ष नरेन्द्र राना,एकीकृत साकोसका अध्यक्ष कृष्ण खड्का बिन्दबासिनी साकोसका सचिब राजेन्द्र तिमल्सिना, सञ्चारक्रमी तथा सामुदायिक सेवा प्रतिष्ठान भक्तपुर प्राविधिक समुहको सहभागितामा नगर प्रमुख काफ्लेले पानसमा दिप प्रज्वलन गरिउद्घाटन गर्नुभएको थियो ।

रौतहट बचत संघका अध्यक्ष,बिभु पोखरेल चन्द्रपुर अस्पताल प्रालिका प्रमुख चिकित्सक डा।सुवास चौधरी,चन्द्रनिगाहपुर सरकारी अस्पतालका प्रमुख अभिनन्दन श्रीवास्तव,नेपाल पत्रकार महासंघ रौतहट शाखा सभापति लगायतले कार्यक्रमको सफलताको शुभकामना मन्तव्य दिनुभएको थियो ।

शिविरमा सकृय रुपमा आफ्नो भुमिका निभाउनु हुने प्राविधिक समुहलाई संस्थाको तर्फबाट संस्थाका अध्यक्ष बसन्त आचार्यबाट प्रशंसापत्र तथा मायाको चिनो वितरण गरिएको छ। निशुल्क शिविर संचालनका लागि सामुदायिक सेवा प्रतिष्ठान गठ्ठाघर भक्तपुरले प्राविधिक सहयोग गरेको थियो भने चन्द्रपुर नगरपालिका तथा चन्द्रनिगाहपुर सरकारी अस्पतालको समन्वयमा शिविर सञ्चालन गरिएको हो ।